‌تاوانی ئەوان و تۆمەتی سەر من
PM:06:37:09/05/2017
ئاوات عەلی

- وەزیریک داهات و سامانى گشتی بەهەردەدات و دەیدزێت، لە بری وەزیرەکە من دادگایی دەکرێم.

- کۆنە وەزیرێک حەفتاو پێنج هەزار مەتر دووجا زەوی لەسەر تاپۆ دەکرێت، لەبری کۆنە وەزیرەکە من دادگایی دەکرێم.

- دادەیەک زەوی خەڵک داگیر دەکات، لە بری دادەکە من دادگایی دەکرێم.

- چەند پزیشکێک دەرمانی هەڵە بۆ نەخۆشێک دەنوسن لەبری پزیشکەکان من دادگایی دەکرێم.

- تاقیگەی نەخۆشخانەیەک پشکنینی هەڵە بۆ نەخۆشێک دەکات لە بری بەڕێوەبەری نەخۆشخانەکە من دادگایی دەکرێم.

- کەسێک دەفڕێنرێت و لێی دەدرێت و برینداردەکرێت، لە بری فڕێنەران من دادگایی دەکرێم.

- هەوڵی تیرۆری کەسێک دەدرێت لە بری تۆمەتباری هەوڵی تیرۆرەکە من دادگایی دەکرێم.

من سەرۆک و دەسەڵاتداری وڵات و بەرپرسی ئەو کەسانە نیم... من بەڕێوەبەری ئێن ئاڕ تیم... ئەوان ئەنجامدەری تاوان و منیش تۆمەتباری سەرەکیم.... بژی سەروەری یاسا.

ئه‌م بابه‌ته 3120 جار خوێنراوه‌ته‌وه‌‌
هەموو وتارەکان کاتێک لە وێستگە نیوز بڵاودەبێتەوە تەنها بیروبۆچونی خاوەنەکانێتی



Copyright 2018. westganews.net. All Rights Reserved.