‌سه‌در: هه‌ندێك له‌‌ سیاسییه‌كان دەیانەوێت گه‌نده‌ڵه‌كان به‌ جلێكی نوێوه‌ بگه‌ڕێنه‌وه‌
‌موقته‌دا سه‌در، رابه‌ری ره‌وتی سه‌در و سه‌رۆكی هاوپه‌یمانی سائیرون

وێسته‌ نیوزـ

رابه‌ری ره‌وتی سه‌در و سه‌رۆكی هاوپه‌یمانی سائیرون ئاشكرایكرد راده‌گه‌یه‌نێت.سه‌در له‌ تۆڕی كۆمه‌ڵایه‌تی تویته‌ر بڵاویكردووه‌ته‌وه‌، دوای راگه‌یاندنی هه‌ڵبژاردنه‌كان له‌گه‌ڵ كه‌سایه‌تییه‌ عیراقییه‌كان رێككه‌وتبوون له‌سه‌ر ئه‌وه‌ی چه‌ند كه‌سێكی "بێلایه‌ن" و "ته‌كنۆكرات" و ده‌ستپاك، بۆ پۆسته‌كان ده‌ستنیشان بكه‌ن

موقته‌دا سه‌در، رابه‌ری ره‌وتی سه‌در و سه‌رۆكی هاوپه‌یمانی سائیرون له‌ هه‌ژماری تایبه‌تیی خۆی له‌ تۆڕی كۆمه‌ڵایه‌تی تویته‌ر بڵاویكردووه‌ته‌وه‌، دوای راگه‌یاندنی هه‌ڵبژاردنه‌كان، له‌گه‌ڵ كه‌سایه‌تییه‌ عدراقییه‌كان رێككه‌وتبوون له‌سه‌ر ئه‌وه‌ی چه‌ند كه‌سێكی "بێلایه‌ن" و "ته‌كنۆكرات" و ده‌ستپاك، بۆ پۆسته‌كان ده‌ستنیشان بكه‌ن.

سه‌رد وتویه‌تی له‌سه‌ر ئه‌وه‌ رێككه‌وتبوون كه‌ له‌ تایه‌فه‌گه‌ری و پشك پشكێنه‌ و نه‌ته‌وه‌په‌رستی دووربكه‌ونه‌وه‌، به‌ڵام هه‌رزوو هه‌ندێك له‌ لایه‌نه‌ سیاسییه‌كان كشانه‌وه‌ و بیرۆكه‌ی "سه‌ربه‌خۆیی" و "ته‌كنه‌كراتیان" ره‌تكرده‌وه‌.

راشیگه‌یاندووه‌، هه‌ندێك له‌‌و كه‌سایه‌تییه‌ سیاسییانه‌ عیراق ده‌گه‌ڕێننه‌وه‌ "چوار گۆشه‌ی یه‌كه‌م" و پشك پشكێنه‌ بۆ ئه‌وه‌ی‌ "گه‌نده‌ڵه‌كان به‌ جلێكی نوێوه‌" بگه‌ڕێنه‌وه‌ و به‌رده‌وام بن له‌ سه‌پاندنی هه‌ژموونی حزب و دامه‌زراوه‌ ئابورییه‌ حزبییه‌كان.

له‌و ئه‌گه‌ره‌شدا، سه‌در هه‌ڕه‌شه‌ی توندی كردوه‌ و رایگه‌یاندوه‌: ئه‌گه‌ر ئه‌ و كه‌سایه‌تی و لایه‌ن سیاسییانه‌ له‌سه‌ر ئه‌و هه‌وڵانه‌ به‌رده‌وام بن، ئۆپۆزیسیۆن بوونی لیسته‌كه‌ی راده‌گه‌یه‌نێت.


PM:09:58:13/09/2018




ئه‌م بابه‌ته 901 جار خوێنراوه‌ته‌وه‌‌