‌ئاماری قوربانیانی بومه‌له‌رزه‌كه‌ی ژاپۆن به‌رزبوه‌وه‌
‌بومەلەرزەیەک لە ژاپۆن-ئەرشیف

وێستگه‌ نیوزـ

هه‌فته‌ی رابردوو بومه‌له‌رزه‌یه‌كی به‌هێز به‌ گوڕی 6.6 پله‌ به‌پێوه‌ری رێخته‌ر له‌ دورگه‌ی هۆكایدۆ-ی ژاپۆنی دا و زیانێكی گیانی و ماڵیی زۆری پێگه‌یاند.

به‌رپرسانی ژاپۆن ئاشكرایانكرد كه‌ به‌پێی دوایین ئاماری ئه‌و بومه‌له‌رزه‌یه‌، 44 كه‌س گیانیانله‌ده‌ستداوه‌ و زۆربه‌ی قوربانییه‌كانیش خه‌ڵكی گوندی ئیتسۆما بون ، چونكه‌ به‌هۆی داڕمانی زه‌وییه‌وه‌ خانووه‌كانیان به‌سه‌ریاندا كه‌وتوه‌.

ئاماژه‌ی به‌وه‌شداوه‌ كه‌ نزیكه‌ی 40 هه‌زار كارمه‌ندی فریاگوزاری له‌ دورگه‌كه‌ ماون تا هاوكاری پێشكه‌ش 2 هه‌زار و 700 كه‌س بكه‌ن كه‌ هێشتا له‌ كه‌مپه‌كاندان.

پێش بومه‌له‌رزه‌كه‌ی دورگه‌ی هۆكایدۆ، زریانێكی به‌هێز 11 كه‌سی له‌ ژاپۆن كوشت و به‌هۆیه‌وه‌ فڕۆكه‌خانه‌ی كانسای ئۆساكا داخرا.

له‌ سه‌ره‌تای مانگی ته‌مموزی رابردوش زریانێكی دیكه‌ له‌ ژایۆن لافاوی لێكه‌وته‌وه‌ و بووه‌هۆی داڕمانی زه‌وی و به‌هۆیه‌وه‌ زیاتر له‌ 220 كه‌س گیانیانله‌ده‌ستدا.


PM:06:22:10/09/2018


ئه‌م بابه‌ته 2373 جار خوێنراوه‌ته‌وه‌‌