له‌ رووداوێكی هاتووچۆدا كه‌سێك گیانی له‌ده‌ست دا


وێستگه‌ نیوز -

به‌ڕێوه‌به‌رایه‌تی پۆلیسی راپه‌ڕین رایگه‌یاند كه‌ له‌ رووداوێكی هاتووچۆدا له‌سه‌ر رێگای سه‌ره‌كی نێوان چوارقوڕنه‌- هیزۆپ شۆفێرێك گیانی له‌ده‌ست دا.

له‌ راگه‌یه‌ندراوێكدا كه‌ وێنه‌یه‌كی‌ ده‌ست وێستگه‌ نیوز كه‌وتووه‌، به‌ڕێوه‌به‌رایه‌تی پۆلیسی راپه‌ڕین رایگه‌یاند كه‌ سه‌عات 11ی‌ شه‌وی‌ رابردوو له‌سه‌ر رێگای سه‌ره‌كی نێوان چوارقوڕنه‌- هیزۆپ له‌ نزیك گوندی هیزۆپ ئۆتۆمبێلێكی‌ ته‌كسی‌ و بارهه‌ڵگرێك پێكیاندا دا.

پۆلیسی راپه‌ڕین ده‌ڵێت: "شۆفێره‌كه‌ به‌ره‌و هه‌ولێر ده‌گه‌ڕایه‌وه‌ و له‌ ئه‌نجامی‌ رووداوه‌كه‌ گیانی له‌ده‌ست دا".

ئاماژه‌شی‌ به‌وه‌دا كه‌ "شۆفێری ته‌كسییه‌كه‌ ناوی (م.م.ٲ.)ه‌ و ته‌مه‌نی‌ 28 ساڵه‌ی‌ و دانیشتووی شاری هه‌ولێره‌".

ئه‌وه‌شی‌ خسته‌ڕوو كه‌ "دوای ئه‌نجامدانی توێكاری پزیشكی، ته‌رمه‌كه‌ی راده‌ستی كه‌سوكاری كرایه‌وه‌".

پۆلیسی راپه‌ڕین ئه‌وه‌شی‌ خسته‌ڕوو كه‌ شۆفێری بارهه‌ڵگره‌كه‌ش كه‌ به‌ناوی (س.ٲ.م.) ته‌مه‌ن 33 به‌ڕه‌گه‌ز كوردی‌ باكووری كوردستانه‌ و دانیشتووی شاری دیاربه‌كره‌ و به‌پێی مادده‌ی (24) له‌ یاسای هاتووچۆ به‌ بڕیاری دادوه‌ر راگیراوه‌.


AM:09:27:19/08/2018


ئه‌م بابه‌ته 2484 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

زۆرترین خوێندراو