واده‌ی تۆماركردنی ناوی ده‌نگده‌رانی هه‌رێم درێژكرایه‌وه‌


وێستگه‌ نیوز -
كۆمسیۆنی باڵای سه‌ربه‌خۆی هه‌ڵبژاردن و راپرسی هه‌رێمی كوردستان واده‌ی تۆماركردنی ناوی ده‌نگده‌رانی بۆ هه‌ڵبژاردنه‌كه‌ی‌ 30ی‌ ئه‌یلول درێژكرده‌وه‌.

له‌ راگه‌یه‌ندراوێكدا كه‌ وێنه‌یه‌كی ده‌ست وێستگه‌ نیوز كه‌وتووه‌، كۆمسیۆنی باڵای سه‌ربه‌خۆی هه‌ڵبژاردن و راپرسی هه‌رێم رایگه‌یاند كه‌ له‌ كۆبوونه‌وه‌ی ئه‌مڕۆیاندا له‌پێناو كار ئاسانی بۆ هاوڵاتییان هه‌رێمی كوردستان و ره‌خساندنی هه‌لی زیاتر بۆ هاوڵاتیان بۆ سه‌ردانیكردنی ناوه‌نده‌كان، بڕیاریانداوه‌ له‌ ئه‌مڕۆ 2018/8/16 ناوه‌نده‌كانی نوێكردنه‌وه‌ی تۆماری ده‌نگده‌ران  هه‌تا كاتژمێری 3:30 خوله‌كی رۆژی شه‌ممه‌ به‌رواری 2018/8/18 درێژبكرێته‌وه‌.

به‌ پێی بڕیاره‌كه‌ی‌ كۆمسیۆن ناوه‌نده‌كانی تۆماری ده‌نگده‌ران له‌ رۆژانی هه‌ینی و شه‌ممه‌ به‌ڕووی هاوڵاتیاندا كراوه‌یه‌.

بڕیاره‌ رۆژی‌ 30ی‌ ئه‌یلول هه‌ڵبژاردنی‌ په‌رله‌مانی‌ كوردستان به‌ڕێوه‌بچێت و كۆمسیۆنی‌ هه‌ڵبژاردن و راپرسی هه‌رێمیش به‌رده‌وامه‌ له‌ ئاماده‌كارییه‌كانی‌.


PM:05:34:16/08/2018




ئه‌م بابه‌ته 1640 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

زۆرترین خوێندراو