داعش چه‌ند چه‌كدارێكی حه‌شدی شه‌عبی و هێزه‌ عیراقییه‌كانی كوشت

‌چەکدارێکی داعش لە کاتی هێرشیان بۆ سەر هێزە ئەمیەکانی عیراق

وێستگه‌ نیوز ـ
چەکدارانی داعش لە چەند هێرشێکیان بۆ سەر هێزە ئەمنییەکان و حەشدی شعبی، ژماره‌ی‌ه‌ك سەرباز و چەکداری حەشدی شه‌عبیان كوشت.


بەگوێرەی هه‌واڵی پێگه‌ی ئەعماقی سەر بە داعش، لە رێگەی بۆمبێکی لکێنەرەوە، لە نزیک گوندی جەمسە لە باکووری شاری شرگات، سێ چەکداری حەشدی شەعبی برینداربوون.

پێگه‌كه‌ بڵاویشیكردووه‌ته‌وه‌: "لە گوندی خەزران، دەستڕێژی گوللـە لە چەند چەکدارێکی حەشدی شەعبی کراوە و بەهۆیەوە، حەوت چەکدار کوژرا و برینداربوون".

ئه‌وه‌شی وتووه‌: "هەمەرێکی سەر بە پۆلیسی فیدڕاڵی لە گوندی هەرارە لە باشووری حەمام عەلیل کراوەتەوە ئامانج، لە ئەنجامدا، ئامر سرییەک کوژراوە و پاسەوانەکەشی بە سەختی بریندارە".

داعش راشیگه‌یاندووه‌: لە گوندی سەف توس، لە رێگای بۆمبی چێندراو، دوو چەکداری دیکەی حەشدی شەعبی کووشتووە.

لە چەند ناوچەیەکی عیراق، داعش دەستی بە چالاکی کردۆتەوە و لە هەندێک ناوچەش، مەترسی تەواویان بۆ سەر ژیانی هاوڵاتیان دروستکردووە.


PM:05:19:12/08/2018


ئه‌م بابه‌ته 13374 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

زۆرترین خوێندراو